पारि गाउँको निष्ठुरी

वादलुले छेकिदिएर हो कि ?

मायालुको गाउँ देख्नै पाइन आज

दिन बित्यो नैराश्यतामा कता कता 

चस्को पर्यो यो मुटु माझ ।

 

 

उनको घरको टल्किएको टिनको छानोदेखि 

उनको तिर्सना मेट्ने मेरो चाहना 

उनको घर छेउको पाखुरीको बोट हेरी 

उसको मायाको शीतलता आभास गर्ने

मेरा वर्षौदेखिका दिनचर्याहरु

पूरा गर्न सकिन आज ।

 

 

यो बर्खा सुरु भएपछि कति पीर 

मेरो मनमा 

उडी आउने वादलदेखि कति कति 

डर मेरो मनमा 

सम्हालु म कसरी मेरो मायालु मनलाई

सम्झाउँ म कसरी मनको कुरा 

त्यो पारी गाउँको निष्ठुरीलाई ।

 

 

आजभोलि त आली खन्न पनि आउँदैन 

वनमा चरा मार्दै पो हिड्छ कि ?

आँखाको भाका नबुझेर उसले 

अन्जानैमा मलाई भुली पो दिन्छ कि ?

 

 

 

Thanx

Madan k.c.

Dhurkot Rajasthal-2

Dhura Dharapani

Gulmi Nepal

Now India Haryana