गुलाबको फूललाई मात्र होइन सयापत्री को फूल पनि त फूल हो l महल मा बस्ने मात्र मित्रता होइन, झोपडी मा पनि त मित्रता हो । । कांडा नै कांडाको संसार भए पनि फुल नै फुलको जीवन सोच......... आंसू नै आँसुको संसार भए पनि हासो र मुस्कन्लाई रोज । ।||www.hamrogulmi.com हेर्दै गर्नुहोला ।

रूपान्तरण

प्रस्तुतकर्ता हाम्रो गुल्मी बुधवार, 16 फ़रवरी 2011
मदन के.सी.
आफ्नो सामाजिक मान्यतालाई रूपान्तरण गर्न
उनीहरूले माया गरे र बिहे गरे
बिहे गरे र फेरि माया गरे
त्यो जीवन पनि नीरस लाग्यो उनीहरूलाई
र जीवनमा आमूल परिवर्तन ल्याउन
उनीहरूले सशस्त्र क्रान्ति गरिरहने रहर गरे
क्रान्तिबाटै शान्ति र आनन्द आउने ठहर गरे
एउटाले आफ्नो हतियार उठायो
र अर्कोमाथि प्रहार गर्यो
अर्कोले हार्न नमान्दा
उसबाट पनि जवाफी कारवाही भयो
यसरी कयौंपटक उनीहरूले
आक्रमण र प्रत्याक्रमणको रणनीति बनाए
र हाँसी हाँसी कार्यान्वयन गरे
उनीहरूकै क्रान्तिको फलस्वरूप
जन्म भयो नयाँ सत्ताको
छोरी र छोराको
शान्ति र आनन्दको
स्वास्नीले छोरीलाई माया गरी
लोग्नेले छोरालाई माया गर्यो
उनीहरूले सोचेजस्तै ल्याइदियो
क्रान्तिले जीवनमा आमूल परिवर्तन
अनि भयो जीवनको रूपान्तरण
तर छोराछोरीको चढ्दो उमेरसँगै
उनीहरूको माग पूरा गर्न नसकेर
अहिले लोग्नेस्वास्नी
हतियार बिसाएर मनमनै पछुताइरहेछन्
पुर्पुरोमा हात राखेर झोक्राइरहेछन्
उनीहरूले क्रान्ति गर्ने सोख यति धेरै पूरा गरिसके
कि अब उनीहरूमा क्रान्ति गर्ने कुनै रहर छैन
उनीहरूले जीवनमा यति धेरै सास्ती खाइसके
कि अब उनीहरूले काट्न बाँकी कुनै कहर छैन ।
 
धन्यवाद 
मदन के.सी.
धुर्कोट रजस्थल-२
धुर धारापानी 
गुल्मी नेपाल

No response to “रूपान्तरण”

एक टिप्पणी भेजें