गुलाबको फूललाई मात्र होइन सयापत्री को फूल पनि त फूल हो l महल मा बस्ने मात्र मित्रता होइन, झोपडी मा पनि त मित्रता हो । । कांडा नै कांडाको संसार भए पनि फुल नै फुलको जीवन सोच......... आंसू नै आँसुको संसार भए पनि हासो र मुस्कन्लाई रोज । ।||www.hamrogulmi.com हेर्दै गर्नुहोला ।

गजल

प्रस्तुतकर्ता हाम्रो गुल्मी शनिवार, 17 जुलाई 2010

आउँदैन खबर घरबाट अचेल बिर्सन थाले कि।।
निस्ठुरी भनी भित्ताको तस्बिर झिकेर फाले कि।।

गाउ बेसी गर्दा थकाई मार्ने जमघट्को चौतारी,
बरपिपल जोडी मायाको चिनो छ अहिले ढाले कि।।

दमकी रोगी ति बुढी बज्यै खसिछन पोहोर साल,
भेट्न नि पाइन,बर्स दिन पुग्दा लाख बत्ती बाले कि।।

त्यो बर्से झरी त्यो हिउदे जाडो एक्सरो लुगामा,
चाडपर्ब आउँदा त्यो भैंसी बेची जडौरी हाले कि।।

घरको छानो चुहिन्छ पक्कै त्यो बर्से झरिमा,
भत्केको आगन,झरेको चार सुर त्यो भित्तो टाले कि।।

प्रदेसी भइयो भुलेको छैन त्यो मातृभूमीलाई,
कुकुर भुक्दा आयो कि भनी मुलबाटो भाले कि।।

Krishna Kc: